cheap nfl jerseys oqvwu4cj
| Some things does only happen in Guyana. Only in Guyana people can seh wha dem like and threaten to do wha dem want wid people once dem ain’t tell de person to dem face.That mean that a man can talk loud and clear how he gun bun down he neighbor house and kick up he neighbor wife. He can’t get charge fuh threatening because he ain’t tell de neighbor to he face. That is wha de DPP seh. Only in Guyana.But if people deh in de States and dem mek mistake and threaten anything and anybody, is trouble. Four people barely talk how dem gun blow up some pipeline at de JFK airport and Uncle Sam didn’t even got to hear. It jail dem fuh de rest of dem life.De only time that gun happen in Guyana is if dem boys stand up at Big Market and tell a vendor that dem gun bun down State House. Donald de Duck ain’t got fuh hear, but de same DPP gun recommend that dem get charge fuh threatening de president.Another thing is that some of dem would like to do is charge dem boys fuh chasing people. Brassington tell Uncle Adam that de Waterfalls paper does chase investors. Dem boys got a message fuh he and he ex-boss, Jagdeo. If dem boys ketch dem pun a dark night, God be wid dem. Dem betta mek up dem mind fuh tek chase and not out of Guyana.De truth is dem can’t get a dog fuh come and invest in Guyana. A matter of fact, dem boys seh dem want to give dem a lesson, or teach de, who or what is an investor in a country.Bai Shan is not an investor. That company is a fraudster. Se government seh that dem come fuh build housing scheme. Any idiot in Guyana can do that. Ask Lumumba.Bai Shan bring in more than 200 excavator, trucks and other machinery, duty free, fuh rape Guyana forest. Dem digging out de gold and diamond, too. That is investor fuh Brassington,http://www.footlockershop.us.com/Nike-roshe-one-bt/, Donald and Jagdeo.De same Brassington tun away a local man who did want tek de sweetheart deal fuh Marriott. Instead he tek two man, dress them up like Chinee, and call them Hong Kong businessman…tell this nation that dem is de US$8 million equity investor in Marriott. Now de same Brassington can’t find de Hong Kong or de Chinee men. De name wha he give de nation exist but when dem boys check de photo gainst de name, it doesn’t match the face.When them boys call de number wha Brassington give dem, dem get through to a strip club.After de Marriott run into controversy de same Brassington who seh de Waterfalls paper is anti-investment find two Indian man dress in African outfit. He seh that dem come fuh build another hotel. All this was to justify Marriott.When Donald Duck, Jagdeo, Ashni and that same Brassington tun up de sand fuh some Sun and Sand hotel de people promise fuh start build de next week.One year done and it look like dem change de hotel name to Sun and Dance. Dem boys now know that dem and all get duty free machinery and instead of digging fuh put down de hotel dem digging out Guyana gold and diamond.Talk half and that is wha some of dem scamp call foreign investors. |
