Mike Montgomery Cubs Jersey last night
| Is one thing to get vex, is another to smile and go to bed. Dem boys learn that from one of dem gyals wukking at Courts. She in love wid one of dem boys from de Waterfalls paper.She send a text to him, last night, and seh “Before I go to sleep guess what I do. I go to de pictures and kiss you on you lip and say good night, Bo Bo. I miss you always. Then go to sleep.“ I know you will say that I am crazy but you know dem seh ‘Crazy is better than being stupid.’”That same woman who wukking at Courts, carry de Waterfalls paper to she boss man yesterday. In that paper dem boys talk how Jagdeo mek Courts look like plaything where giveaway is concerned.Right away dem boys hear when de boss man read it he get upset. He call a meeting of all de senior people because he know that nobody or no company can give away more than Courts.De first question in de meeting is how dem feel that de Waterfalls paper mix Courts business wid Jagdeo, that scamp.One of de seniors seh that bad publicity better than none at all. Another one seh, “Chief, you don’t have to worry. Wha Courts give away is Courts own. Jagdeo, that scamp, give away what is not he own, not ee mudda own and not he fadda own.When dem start laugh de whole of Courts start laughing without even knowing wha de seniors laughing about.That is how dem call de Waterfalls paper to straighten up that issue.When Mr Gafoor read dem boys, yesterday, ee chip in too. He seh he does give away, and a lot too, but he does give away wha belong to he and ee family.Talk half and keep you eye open to see wha this new set gun give away and who dem gun give away to. |
