When Jagdeo announce that he was putting cameras pun de streets people believe that crime woulda slow down. In dem big cities de police does use dem cameras to ketch criminals. Of course,Cheap Jordans Free Shipping, all dem big buildings got security cameras suh de cameras pun de road is merely fuh back up.So when Jagdeo put de cameras de business people smile because dem tell demself that dem didn’t have to invest in security cameras. Dem was wrong. De man who install de cameras was one of Jagdeo friends so he didn’t have to really mek de cameras wuk.Imagine a policeman get shoot right wheh one set of cameras was set up and to this day the police never see nutten. People does get hijack and de car does drive past dem cameras and de police can’t tell you if de car head east or west or north or south. But Jagdeo did promise that when de cameras set up people would see if de cars drive out of de city or not.Jagdeo days done and now Rum Jattan coming wid de same stupidness. He go till in Canada and tell dem how he gun put cameras in every street.Well dem boys live in an area that don’t have street lights and when night fall de place black like pitch. Dem want to know how Rum Jattan cameras gun wuk. And in any case, dem boys want to know who he gun ketch. Police does deh stand up right when a man snatch a chain and dem don’t ketch de man.But people can forgive Rum Jattan because he travel and he hear bout cameras but he never try to understand that is no poo poo cameras he got to buy.Rohee buy a cabba cabba water cannon that can’t wuk; dem buy a boat that never sail and dem already set up cameras that don’t wuk.If indeed dem putting in more cameras dem mustn’t hire de same Brian. He owe a lady and he claim that he bankrupt. But dem boys know that Jagdeo did pay him good money to install de cameras.Now this man don’t drink and he don’t smoke; he ain’t got no lady. So wha he do wid de money. Dem boys seh that Jagdeo tek it back.Talk half and wait to see if is cameras dem really buying.
