Uncle Walter vex and he vex bad. He did sue de Waterfalls paper fuh libel and after a long time, de matter come up in court. He win. And de court order that de Waterfalls paper pay he some money. He get vex. He claim how he get too li’l bit money. But he couldn’t appeal, suh de Waterfalls paper appeal.De Appeal court decide to hear de matter and things was going good because Walter did seh some funny things that de court shoulda tek into consideration. But all that mean nutten now because Walter got to wait fuh de Appeal court hear de matter all over again. One of de judge that was hearing de matter resign.Now dem boys seh that Walter was hoping fuh a quick finish but now he got to wait couple years more and everybody know that when you meet a certain age, time ain’t deh pun you side. That is wha got Walter worried.But dem boys want to know how come Guyana swear-in dis new judge when he had dis problem before he come to Guyana. People does normally check when people come from foreign but this is something that de government don’t do. Dem tek a doctor who molest a gyal in de States and hire he. Soon after, he come to Guyana and molest another gyal. Dem transfer he and he do de same thing again.Then dem boys remember Fip who never even build a passageway to he house. De government tek he and give he big road project. To Dis day de road ain’t done but dem had to get rid of Fip. Dem boys wondering who more gun get hire.Jagdeo did hire a retired police chief from New York. He did plan to mek this man he special advisor. All people talk,Kyle Wiltjer Jersey, Jagdeo didn’t listen. Is when de police in New York announce de name Kerik and that he in trouble and was heading to jail that Jagdeo drop de man.Talk half and help Guyana avoid dem embarrassment.
