Since you small you learn bout threatening. Mammy, Daady, big buddy and big sissy always threaten fuh do you dis and do you dat.As you grow, you neighbour threaten you, you teacher does threaten you, and you friends, police, and lawyers and liars does threaten you too.Imagine yesterday, dem boys get a threat from two dead lawyers—Cameron and Shepherd. Dem seh how dem client, a bank, want $5 million. And on top of de $5 million dem want dem boys seh ‘sarry’.Dem boys ain’t know wha dem saying sarry for or wha dem must pay $5 million for. All dem boys know is a threat.Dem, boys get so much of threat in dem lifetime that dem don’t know wha fuh tek serious and wha fuh mek joke.Fine Man threaten dem boys, Skinny threaten dem boys, scampish Jagdeo and crookish Brassington threaten. Brassington run from he own threat and Jagdeo guh follow him soon.Dem boys thought that dem see it all,Wholesale Jerseys, until Venezuela threaten Guyana. That was de biggest threat dem boys know bout. Now dead people threatening dem boys. This got to be joke.If is not a joke and dem serious bout de money, both Cameron and Shepherd can come to de Waterfalls paper Monday morning, bright and early.If dem really can’t come fuh whatever reason, Ralphie can come. Dem boys gun double it fuh he. Dem gun buy he a drink and gaff old time story.Richard from de bank could come too but he must walk wide he own money and some tennis roll. De Waterfalls paper got nuff stove.Talk half and dem boys waiting fuh de bank people.
